Wie Willem de 1e
Ridder van de Aogeler Keistenen in het joar 2010

Manta-kearl van het earste uur
Oetdreager van ’n Oaln Roop
Beschermhear van 4 klèène Telgenkämpkes
Ping ping bewaarder van de Keisteenbloazers
Hongwu van de Brei tut ’n Goarn
Keizer van de Aogel dynastie
 
Bie de gratie van t Bestuur en President Theo közzn tut ’n neggentwinnigsten Ridder van Aogel, maakt oe bekeend:

1. dat Theo Sanderink (Oln Joesboer) mien Adjudant wördt, met de passende titels:
   Vastgood behearder van de Krekkelstad
   Veurtrapper van ’n Aogeler Es tut Alpe d‘Huez
   Old rhythmbox van de Keistenenbloazers
   Mandarijn van de Daalbree;
2. dat wie vereard bint te leazen dat oonz’n burgervader blier is dat de leu in Aogel plat proat. Dit hef oons zoa raakt, dat wie d’r persoonlijk veur zult zoargn dat dit tijdens ‘t carnaval nig as Chinees veur hem in de oaren klinkt;
3. dat wie oonze breursvereniging de Hènige Slepvèènt een knallend jubileumjoar toowunschet;
4. dat wie as echte bouwhearn ‘n heus bouwproject goat opzetten veur ’t Meijers wearke. En as het financieel effen kan, in disse tied wie ok nog wa möggelijkheed’n zeet in een authentiek knooperf met de passende naam “Age lohoes”;
5. dat wie natuurlijk iedereen oetneudigt um Carnaval te vier’n in de sfear van oons thema. Um dat te ondersteunen goat wie alle leden van ’n Doaren Road en de Kapel deup’n met ne tweed’n Chinesen naam;
6. dat wie de Manta-kearls oetdaagt um met ne echte Chinese bolide in ‘n optocht te komm’n;
7. dat wie het geweldig zoll’n vinden dat de leed’n van de fietsclub elk ne bewoner van ’t bejoardenhoes metnemt in ne riksja noar ’n optocht in de stad;
8. dat wie de bewoners van de Daalbree oetdaagt um van de buurt ne heuse Chinatown te maken en dat ze van oons hier tijdens de Dolle Daagn allemoal ne Mandarijn veur an de deur kriegt;
9. dat wie het Chinese nèje joar toepasselijk goat inleiden met ‘n spetterend vuurwerk en dat wie ‘t geweldig zoll’n vind’n dat de Keisteenbloazers op nejjoar ‘s mons (Frühschoppen) heel toepasselijk de Radetzkymars spölt;
10. dat wie pa Brons persoonlijk goat toosprekk’n op zien plein van de Hemelse Vrede;
11. dat wie carnaval viert onner oons motto:

"Wie wok ’t d’r op"

Ridder Willem 1